Post

Mīnaścarati Rodasi

Mīnaścarati Rodasi

समस्या १३

‘मीनश्चरति रोदसि।’ इति पादपूर्त्याः समाधानं कुरु।

आङ्ग्ला-ऽनुवादः

Solve the pādapūrti- Fish roams in the sky/land

समाधानानि


मद्यपस्य   दृशौ   भ्रान्ते   चलत्यावर्तवद्भुवि।  
भूमिरप्यम्बुधिर्भाति   मीनश्चरति   रोदसि॥  
अन्वयः



उड्डीयन्ते   शिलाः   सर्वा   निमज्जन्ति   विहङ्गमाः।  
विपरीते   जगद्भावे   मीनश्चरति   रोदसि॥  
अन्वयः



गर्दभो   गायति   प्राज्ञो   नृत्यत्यन्धो   निरक्षरः।  
सभायां   मूर्खराजस्य   मीनश्चरति   रोदसि॥  
अन्वयः



शुष्के   सरसि   सञ्जाते   वृष्टिर्नाभूदनेकधा।  
जीवितार्थं   जलार्थी   सन्   मीनश्चरति   रोदसि॥  
अन्वयः



गरुडेन   हृतो   मीनः   पक्षवेगेन   वेगतः।  
आकाशमार्गमासाद्य   मीनश्चरति   रोदसि॥  
अन्वयः



निर्वारिणि   गृहे   पत्नी   क्रुद्धा   भर्तारमब्रवीत्।  
आनय   त्वं   जलं   शीघ्रं   मीनश्चरति   रोदसि॥  
अन्वयः



ब्राह्मणाकृतिमास्थाय   पार्थो   गूढपराक्रमः।  
प्रतिबिम्बं   समालोक्य   मीनश्चरति   रोदसि॥  
अन्वयः



प्रलये   कारयामास   मनुना   नावमच्युतः।  
तां   नेतुमभवत्स्थायी   मीनश्चरति   रोदसि॥  
अन्वयः



खगोलं   तु   स्थिरं   विद्याद्भूमिर्वै   परिवर्तते।  
न   मेषो   न   वृषो   नापि   मीनश्चरति   रोदसि॥  
अन्वयः



पार्थं   मञ्चे   समारूढं   कृष्णोवाच   स्वयंवरे।  
अधो   दृष्ट्वा   स   वेध्यो   यो   मीनश्चरति   रोदसि॥  
अन्वयः



सन्ध्ययोस्सूर्यमूर्तिश्च   विपश्चिदृतुकृद्   विभुः।  
छायादेव्या:   प्रियश्च   स्वामीनश्चरति   रोदसि॥  
अन्वयः



पाञ्चालेशोऽपि   विक्रान्त   आश्चर्येण   स   पश्यति।  
विध्यति   ब्राह्मणो   लक्ष्यं   मीनश्चरति   रोदसि॥  
अन्वयः



अन्नपूर्णा   विशालाक्षी   क्षुधानाशाय   देवता।  
माता   सा   नयनं   यस्या   मीनश्चरति   रोदसि॥  
अन्वयः



स्वपुत्रं   निश्चितोऽन्वेष्टुं   तिमिगर्भात्पलायितः।  
चञ्च्वाम्प्लवस्य   नारङ्गमीनश्चरति   रोदसि॥  
अन्वयः



मीनावासोदितेशेन   मीनरूपकृपेच्छया।  
मीनजालविमुक्तस्सः   मीनश्चरति   रोदसि॥  
अन्वयः
मीनस्य आवासात् उदितायाः ईशेन मीनरूपस्य कृपेच्छया मीनजालात् विमुक्तः सः मीनः रोदसि चरति।



सहस्रार्बुदताराजा   नभोगङ्गा   विहायसि।  
प्रगच्छति   यथा   वड्रो   मीनश्चरति   रोदसि॥  
अन्वयः



यदा   सर्वजनाश्शान्तास्त्यक्तयुद्धा   भवन्ति   कौ।  
तदा   प्राच्यां   च   सूर्यास्तो   मीनश्चरति   रोदसि॥  
अन्वयः



रक्षितुं   पतति   प्लुष्टाञ्जलाणुर्मद्रपत्तने।  
विरुद्धाभासकाले   च   मिनश्चरति   रोदसि॥  
अन्वयः


This post is licensed under CC BY 4.0 by the author.